謝賢、馮寶寶50年一遇 大銀幕重逢
由林家棟監製嘅《殺出個黃昏》主題圍繞謝賢（四哥）周旋於馮寶寶、林雪兩個摯友之間，三人尋找存在價值。
謝賢以男主角身份奉獻俾《殺出個黃昏》
四哥大讚選角非常出色：「拍戲就多，同咁多𡃁仔拍都係第一次，家棟又話要我變，又唔俾我側起個頭，咪睇佢有咩把砲囉！今次同阿雪演對手戲，叫佢放我一馬啦！」對於同老友馮寶寶再聚，四哥就話猶如時光倒流：「Bobo喺我眼中永遠係一個小妹妹。雖然係舊拍檔，但係我期望有新火花，等我帶佢攞翻啲青春。」四哥表示：「其實我仲有一個任務，就係帶啲新人。」
我聽到係同四哥合作，咪喺馬拉即刻飛翻嚟囉，佢真係似我大哥哥㗎，同四哥真係相逢恨晚。
—— 馮寶寶
林雪將示範大叔嘅浪漫
林雪於片場表現輕鬆：「我都係嚟跟四哥同Bobo姐學嘢，不過今次好難得我有條感情線，希望俾觀眾睇吓咩叫大叔的浪漫。」
監製林家棟坦言幾大壓力，表示：「今次每個角色背後都有自己嘅包伏，佢哋面對嘅挑戰好大，所以都要慢慢調整。幸好今次四哥、Bobo姐同阿雪，好有突破，好主動提出想法，我覺得係新人學嘢嘅好機會。」
故事簡介
謝賢、馮寶寶、林雪三人50年代曾是聞風喪膽的殺手組織，無奈時代蛻變，三人卻不敵年紀漸長，從此各自過著平凡的生活。當步入黃昏之年，被社會標籤為負資產，憑藉電台點唱，一首青春之歌，便是三人重聚之時⋯⋯
監製：林家棟
導演：高子彬
演員：謝賢、馮寶寶、林雪、賈曉晨、顏子菲、李璨琛、顧定軒、何雁詩、鍾雪瑩
iOS Enjoy Movie App 下載
https://itunes.apple.com/hk/app/enjoy-movie/id295613985?l=en&mt=8&ct=feed_medium
