《G風暴》作為反貪風暴系列最終章，製作亦一集比一集揼本，結尾炸太空館部份都令觀眾睇得過癮，飾演G4的張智霖（Chilam）需要帶領宣萱（Jessica）、陳庭欣（Toby）、劉浩龍（師兄）及夏嫣從爆炸現場驚險逃生，各演員都滿臉灰塵喪跑，相當狼狽！
Chilam表示相隔多年未有和Jessica合作，但再次碰面都很慶幸大家仍是好狀態：
同Jessica其實真係好似琴日同佢合作完咁，再合作我感覺上無太大分別，當然佢而家演技更加成熟，亦都見到佢喺現場好認真，希望每一句對白、每一個鏡頭都能夠做到最好，係好有實力嘅演員！
Jessica就稱今次整個G4團隊大家都合作得非常開心，鏡頭後都會聊天、開玩笑，氣氛非常好。
同樣飾演G4的Toby當日拍攝亦相當落力，需要化上血妝赤腳在凹凸不平的地逃跑，事前Toby已做好安全措施，黐膠布在腳底保護雙腳，她笑稱：「跑完之後師兄就要放開我捉返夏嫣，我就撻咗喺欄邊，自己要就位攤好，好彩最後拍咗幾個鏡頭就順利完成！」